Bir úıdiń balasyndaı, bir qoldyń salasyndaı

El birligin qashanda tirshiliktiń temir­­qazy­ǵyna balap kelgen egemendi Qazaq­stany­myz­dyń árqashanda mártebesi bıiktep, kıeli Uly Dala elin meken etken ult pen ulys táýelsizdigimizdiń 25 jyldyǵyna aırandaı uıyǵan tatýlyqtyń arqasynda tolaǵaı tabystarmen kelip otyr. «Talaı jyldar jyljyp ótip qoıynyna jalǵasqan, Zaman-ǵasyr shejiresiń, baı dastan», – dep aqıyq aqyn Farıza Ońǵarsynova apamyz jyrlaǵan tarıh qoınaýynda ózindik orny bar Qazaq eliniń búgingi jetistikteri men jeńisteri ata-babadan qalǵan erlik pen ór­li­k­tiń, salt-dástúr men urpaq sabaqtas­tyǵy­nyń, eń bastysy – halqymyzdyń eń úlken baılyǵy – etonosaralyq birlik pen azamat­tyq turaq­tylyqtan tursa kerek. Tóskeıde maly, tósekte basy qosylǵan uıǵyr aǵaıyn memleket quraýshy ult tóńireginde Elbasy N.Nazarbaevtyń sarab­dal saıa­satynyń, Ata Zańymyz bergen teń quqyq pen teń múmkindiktiń arqasynda bir ata­nyń balasyndaı baqytty ómir keshýde. Qazaq­stan halqy Assambleıasynyń Tóraǵasy N.Á.Nazar­baev­tyń atalyq qam­qorlyǵy, meıiri­mi kúnniń shýaǵyndaı barlyǵymyzdy teń qam­typ otyrǵanynyń arqasynda búginde uıǵyr aǵaıyn qolyn qalaı sozsa, solaı jete­tin baılyqqa da, barlyqqa da kenelip otyr. Elbasymyzdyń taǵdyrsheshti kezeń, kele jat­qan kúrdeli kezeń biz úshin eńserý ke­zeńi bola­dy. Biz jańa jahandyq daǵdarys­ty min­­det­ti túrde jeńemiz. Bul úshin bizde bir­tutas erik-jiger, halyq birliginiń berik dástúr­leri bar, dep «Nur Otan» par­tııasynyń saı­laýal­dy baǵdarlamasynda aıtqany, ony bar­ly­ǵy­myz bir ata­nyń balasyndaı jumylyp, ár aza­mat­tyń jaýap­kershiligin kóter­gende eń­se­retinimiz belgili. Kóktemge salym ót­ken Parlament Májilisi jáne jer­gilikti más­lı­hattar saılaýlarynda biz bir­tutas el, bir Otan­nyń balasy ekenimizdi dálel­­dedik. Saı­laý naýqanyna qatysý bel­sen­­diliginiń joǵary bolýynyń ózi – ár aza­mat­tyń óziniń azamat­tyq paryzyn oryn­dap, el keleshegi, urpaq bola­shaǵy úshin bel­sene kúrese alatynyn dáleldedi emes pe?! Bul bizdiń eń qymbat baılyǵymyz – birligimizdi taǵy da bir ret pash etip otyr. Qazaqstan halqy Assambleıa tarapynan saılanǵan 9 Parlament Májilisiniń depýtaty ár etnos ókili bolǵanymen, múdde de, maqsat ta bir – el birligine eńbek etý. Mysaly, al­dyń­ǵy eki shaqyrylymda uıǵyr ókili M.Ahmadıev depýtat bolsa, bıyl Sh.Nýrýmov saı­la­nyp otyrǵanynyń ózi Qazaqstandaǵy uı­ǵyr­larǵa kórsetilgen zor senim, úlken jaýap­ker­shilik. Eńbekqor uıǵyr­lar Elbasynyń qamqor­lyǵyn joǵary baǵalaı­dy, qashanda qazaq halqy­na rıza, alǵysy sheksiz. Sebebi, bizde ózge Otan joq, bir-aq Otanymyz bar – ol biz­diń egemen Qazaqstanymyz. Máńgilik El bolý­dyń nurly jolynda órkenıetti elimiz­diń gúl­denýine, ekonomıkalyq, áleýmettik damýy­na óz úlesterin budan da ári qosyp, úl­­­ken sha­­ńy­­raq­tyń astynda bir ananyń bala­syn­­daı, bir qoldyń salasyndaı eńbek etýde. Oblystyq uıǵyr etnomádenı birlestigi Almaty oblystyq Qazaqstan halqy Assam­bleıa­sy hatshylyǵymen, jergilikti bılik jáne ózin ózi basqarý organdarymen, saıası partııalarmen, úkimettik emes jáne jas­tar ortalyqtarymen tyǵyz baılanysta, memo­randým negizinde jumys jasaıdy. Aýdan­dyq, qalalyq etnomádenı birlestik­termen «Kelise pishken ton kelte bolmas» degendeı, josparly jumys atqaryp keledi. Respýblıkalyq etnomádenı birlestigi josparly ótkizetin jumystardyń úıles­tirý­shisi ǵana emes, basqarma músheleri ózderi qatysyp, Elbasy aıtqandaı, ár aýylǵa, ár turǵynǵa elimizdiń saıasatyn, ustanǵan baǵy­tyn, jetistikterin jetkizýde birige jumys jasaý ústinde. Ár etnomádenı birles­tik óz jarǵylary negizinde jumys júrgizedi. Almaty oblysynyń bir ereksheligi – jylda árbir etnomádenı birlestik jasaǵan jobalar negizinde oblys ákimi tarapynan granttar alyp, sol qarjy kómegimen kóptegen sharalar ótkizýge múmkindikteri bar. Ekinshiden, bizde «Bólingendi bóri jeıdi» demekshi, bóliný joq, qaı etnomádenı bir­lestik te is-shara ótkizse, barlyǵymyz bir­deı qatysamyz. Tek sońǵy jyldardy alsaq, Almaty oblystyq etnomádenı bir­les­tigi respýblıka deńgeıindegi tany­mal ár saladaǵy, ár ult ókilderiniń ǵylym doktorlaryn, oqy­mystylaryn qatys­tyryp, «Ǵylymnyń damýy – Qazaq­stannyń damýy» atty ǵyly­mı-teorııalyq konferen­sııa, «Meniń eńbegim – elime» at­ty oblystyq kásipker­ler ak­sııasyn ótkizip, «Qa­ıy­­rym­­­dylyq kerýeni» atty is-shar­alardy oblys orta­­ly­ǵyn­­daǵy «Aınalaıyn» balalar úıinde, Qaratal aýdanynyń balalar úıin­de, Tekeli qalasy­nyń qarttar úıinde, Panfılov aýdany­nyń balalar úılerinde ótkizip, oblystyq halyq ansamblderi men jastar teatry qoıylymdaryn tartý etip, kásipkerler demeýimen teledıdarlar, kitaptar, ártúrli tehnıka quraldary tabys­taldy. «Dostyqta joq shekara», «Dás­túr men mádenıet – ulttyń genetıkalyq kody», «Almaty oblystyq Qazaqstan halqy Assam­bleıasynyń 2020 jyldarǵa deıingi damý tujy­rymdamasy» atty taqyryptarmen ujym, mekemelerde ártúrli pishimdegi is-shara­lar­dyń ótkizilip otyrýy – erlik pen eldik­ke úndeıtin ıgi dástúrlerimizdi kózdiń qara­shy­ǵyndaı saqtaý, tárbıeniń talbesigi – ot­ba­sylyq qundylyqtardy urpaq boıyna sińirý sııaqty ıgi, ımandy sharalar bolyp tabylady. Aldymyzdaǵy alar asýymyz belgilen­gen jyldar – Qazaqstannyń HHI ǵasyrdaǵy taǵdyr-talaıy qandaı bolatynyn aıqyn­daıtyn, bizdiń elimizdiń, bizdiń bárimizdiń beriktigimiz synǵa túsetin kezeń. Barshamyz­dy eldi jańartý oraıyndaǵy aýqymdy jumys kútip tur. Bizdiń mindetimiz – birligi­mizdi saqtaý, egemendikti nyǵaıtý jáne ult­tyń bolashaqqa barar jolyn batyl ashý. Statıstıkaǵa júginsek, memlekettik qyz­mette memleket quraýshy ult ókilderinen keıingi orynda uıǵyr ókilderi kóp qyzmet atqarady eken. Bul degenimiz – teńdik, ashyqtylyq, jarııalymdylyq, ıaǵnı Ata Zańymyz bergen quqyqty árkim erkin paıda­lanyp otyrǵanynyń naqty kórinisi. Ekonomıkanyń, áleýmettik salalardyń damýyna bizdiń etnos ókilderi, aýdan, qala, oblystyq, respýblıkalyq uıǵyr etnomádenı ortalyqtary da óz úles­terin qosýda. Ekonomıkany damy­týda, ın­vestısııa tartýda, ǵy­lym men bilim, mádenıet sala­larynda ınnovasııalyq ja­ńa jobalar jasaýda da bir­shama úrdis bar. Qosymsha jumys oryndaryn ashý, qaıy­rymdylyq aksııalaryn ótkizý, mádenıet, bilim berý sala­larynda mamandar daıarlaý, ınklıýzıvti oqytý, kásip­ker­likti damytýda aǵa urpaq ókilderinen R.Tohtahýnov, Sh.Ýmarov, E.Ýshýrov, J.Rı­zaıdınov, R.Aısaev, Z.Kýpamov, A.Zýlıarov, T.Abdýlsemıatov, M.Islamov, A.Raıdınova, Q.Shamahýnov, R.Nııazova, S.Saıtova, t.b. ataýǵa bolady. Jastar tarapynan da oblystyq máslı­hat depýtaty Z.Kýzıev Panfılov aýdanyn­da jańa kásiporyn ashyp, aýdan, oblys ekonomıkasyna ózindik úles qossa, áıel aza­mattardan S.Izımova, S.Saıtova, R.Man­lıkova, R.Izımova óz eńbekterimen kópke úlgi bola bilýde. Ár aýdanda, aýylda óz kásip­or­nyn ashyp, qyzmet atqaryp kele jatqan­dar­d­yń sany kún saıyn artýda. О́ıtkeni, biz­diń Otanymyz Qazaqstanda barlyq jaǵ­daı ja­sal­ǵan. Tek jalqaýlanbaı, elińniń er­teńi­ne jumys jasaıtyn talap, alǵa qoıǵan maq­sat, oryn­daýshylyq jaýapkershilik bolsa boldy. Bizdiń Kóshbasshymyz bireý – Nursultan Ábishuly Nazarbaev. Bizdiń bir ǵana ortaq uly bolashaǵymyz bar, bizdiń jeńisimiz de ortaq. Kópetnosty memleket retinde Qazaqstan óziniń bul ereksheligin artyq­shylyq retinde paıdalanatyn bolady. Qolǵa alynyp otyr­ǵan reformalar ult­tyń birtektiligi men bir­ligin nyǵaıtýǵa baǵyt­talǵan, munyń ózi, túp­tep kelgende, barsha qazaqstandyqtardy top­tas­tyrýǵa jáne Bolashaǵy Birtutas Ultty qalyp­tastyrýǵa múmkindik beredi. Biz, qazaqstandyqtar – birtutas halyq­pyz! «Máńgilik El» – bizdiń jalpy­qazaq­stan­dyq úıimizdiń ulttyq ıdeıasy, bizdiń ata-baba­larymyzdyń armany. Barlyq qazaqstan­dyqtardy biriktiretin jáne bizdiń elimizdiń bolashaǵynyń irgetasyn quraıtyn basty qundylyqtardy saqtaý jolynda bizdiń etnomádenı birlestigi­miz de ózindik iz qal­dyryp, eńbek etýden aıanbaıdy.  Ásııa AHMETOVA, Qazaqstan halqy Assambleıasynyń múshesi, Almaty oblystyq uıǵyr etnomádenı birlestiginiń tóraıymy TALDYQORǴAN